h79snht.topوجه عمرو وهبي، مدير التسويق الأسبق باتحاد الكرة والمرشح السابق لمنصب مدير التسويق بالزمالك، رسالة قوية بشأن أزمة أحمد سيد زيزو مع القلعة البيضاء.
وكتب وهبي عبر صفحته الشخصية بموقع التواصل الاجتماعي “فيس بوك”: “يا جماعة كفاية بقى موضوع زيزو.. عيب، بلاش قلة قيمة، الزمالك أكبر بكتير من اللي بيحصل”.
وأضاف: “العقود مدتها محددة ومستحقاتها كذلك، ولا علاقة بين تاريخ انتهاء العقد وتاريخ سداد القسط في أول يوليو.. العقد ينتهي بنهاية الموسم، ياريت نركز شوية في اللوائح وبلاش تفسيرات خاطئة، لأن المدة والمستحقات مالهومش علاقة ببعض”.
طالع أيضًا | أيمن يونس: زيزو عاش أميرًا في الزمالك ينتظر اعتزال الملك.. لماذا لم يفعل مثل محمد صلاح؟
وتابع: “نستهلك وقت وتفكير لمجرد محاولة منعه من كأس العالم (يا سلام)، ولو نجحوا في ده، هل ده هو الإنجاز اللي هيرجع هيبة النادي؟ كفاية شغل كيد.. اللي بينصح المجلس لازم يفكر إزاي ياخد حقه بأدلة قانونية حقيقية، زي إثبات واقعة التأشيرة لأمريكا مثلاً، أما أي حجج تانية من غير سند قانوني، فده مش مقبول”.
واختتم وهبي حديثه مؤكدًا: “للتوضيح.. أنا لا أتحدث هنا عن مباراة نهائي كأس مصر، ولا عن التنازل عن حقوق النادي، ولكن أتحدث عن محاولات إيجاد ذرائع غير قانونية، وهو ما ألمح إليه بعض المسؤولين بربط مدة العقد بتاريخ استحقاق آخر قسط للاعب”.